श्री.अच्युत विष्णु जोशी सोा. रा.खेड .ता.खेड (कुवारसाई) खेडच्या पंचायत समिती कार्यालयामधुन सप्टेंबर 1994 अखेर स्वेच्छा निवृत्ती घेतल्यानंतर ते त्यांचे गावातील बागेत काम पाहु लागले.ते कामावर असताना हे काम श्री.आबा जोशी सोा. पहात होते.

सन 1995 च्या एप्रिल महीन्यात श्री.आबा जोशी सोा.याचे रक्कम रु.30,000/-चे कर्ज प्रकरण एका पतसंस्थेने नाकारले त्यावेळी श्री.अच्युत जोशी सोा.हे काही कामानिम्मीत त्यांचे दुकानात होते. त्यांना श्री.आबा जोशी सोा. यांनी कागदपत्रे दाखविल्यावर त्यांच्या मनात एक विचार येऊन गेला की, आजच्या बाजार क्षेत्रासारख्या ठिकाणी ज्याची तीस लाखाच्या आसपास रक्कमेची वास्तु आहे त्याच्याबदृल अशा प्रकारे वागणुक असेल तर अगदी सामान्य माणसाची काय  गथा असु शकते लगेच श्री.आबा जोशी सोा.यांना एवढे फक्त बोलले आणी नेहेमी प्रमाणे क्षणात उठुन ते कामाला लागले, की आपण पतसंस्था सुरु करुया श्री.आबा जोशी सोा. यानी आवश्यकती सर्व कागदपत्रांची पुर्तता करून श्री.अच्युत जोशी सोा.यांचेजवळ ठेवत म्हणाले की, आपल्याला 250 सभासद करणेचे लक्ष देणेत आले आहे.आणी मग श्री.आबा जोशी सोा. व श्री.अच्युत जोशी सोा.यानी याकरीता पावती पुस्तके छपाई करून सभासद करुन घेणे करीता आपल्या सहकार्यांसोबत सुरुवात केली. त्यांचे एका फेरीतच 257 सभासद पुर्ण झाले. त्यामुळे त्यांचा ऐवढा आत्मविश्वास वाढला की, आपण पतसंस्थेच्या उभारणीत नक्कीच यशस्वी होऊ.